Kommuneqarfik Sermersooq
Sumiiffik: Piffiit assigiinngitsut ataani takuneqarsinnaapput.

Nal. 18.00 -23.00
Kommuneqarfik Sermersuup suliffeqarfiisa ingerlataasalu kulturikkut pikialaartitsinissami peqataasussat takuneqarsinnaapput.

Kommunalbestyrelsep ataatsimiittarfiani
Siullermik pisarnertut Kommunalbestyrelsep ataatsimiittarfiani videokonference atorlugu Kommuneqarfik Sermersuup inoqarfiini tamani malinnaafigineqarsinnaasumi borgmesteri ammaalluni oqaaseqassaaq. Tamatuma kingorna innuttaasut ilaquttaminnik takunnissinnaallutillu oqaloqateqalaarsinnaassapput. Soorunalumi ataatsimiittarfiup assiliai takorannersut qimerluualaarneqarsinnaassallutik.
Tamanna nal. 18:00 – 20:00 ingerlanneqassaaq (eqqaamaneqassaaq Ittoqqortoormiit akunnernik marlunnik siulliummata)

Naluttarfik Malik
Naluttarfik ”Malik” ammatinneqassaaq nal. 19:00 – 23:00 akeqanngimik isertoqarsinnaassalluni.
Maluginiarneqassaarli nal. 19:00 sioqqullugu iserniaraanni billetsimut akit nalinginnaasut atorneqassapput.

Nipilersornermik Ilinniarfik
Nuummi nipilersortartut byorkesterit qarlortartartullu siulersortaannit Arnannguaq Gerstrøm siulersorneqartut nal. 20:00 – 21:00 tungaanut ammassapput Samuel Kleinschmidtip aqq. 17 ILLUMI pulaarneqarsinnaallutik nipilersuutinik assigiinngitsunik misiligaasoqarsinnaavoq.
Kaffeqarlunilu Theqassaaq kaagitalinnik

NUIF
NUIF nal. 18:00 – 22:00 meeqqanut inuusuttunullu angajoqqaanullumi ammatinneqarluni, qitinnermik Qilaatersornermik isiginnaartitsinermik kiisalu Uaajeernermik ingerlatsiviussaaq. Kingusinnerusukkut pisussat tulleriissaarneri saqqummiunneqarumaarput.