Naviair pulaaruk, FIC-lu iserlugu
”Allaffipput” 4,2 million kvadratkilomiiterit missaani isorartutigaaq…
Naviairip FIC-operatøriisa ulluinnarni ”allaffittut” atugaat 4,2 million kvadratkilometerit missaani isorartutigaaq, kilometerinillu arfinilinnik portussuseqarluni. Taakkua kisitsisit Kalaallit Nunaata timmisartoqarnermi ingerlatsinerup iluani killeqarfiupput. Uanilu Naviairip tamanna Nuummiik isumagisaraa, Mittarfeqarfiillu suleqatigalugit kalaallit nunaanni timmisartoqarnerup uummaarinnissaa isumannaatsuunissaalu siunertaralugu.
Timmisartut kilometerinik arfinilinniik qutsinnerusumik timmisut Nuup kujataaniik qalasersuaq avannarleq tikillugu Islandip Reykjavikimiik aqutarai, kiisalu Kalaallit Nunaata kujataani aammattaaq taamak qutsissusilimmi timmisut Canadap ingerlataralugit Ganderimiik.
Unnuk kulturisiorfimmi Naviair iserfigeriarukku FIC-operatøritut sulineq qanoq ittuuneranik misiliisinnaavutit, imaluunniit ”timmisartortartut aquttarfianni” oqaluttuullutit misilissinnaavat sungiusaatitut piareersartarfitsinni (simulator).
Iluatsitsisut akornaniissimariaruit simulatorimilu misiliillutit, takusinnaalissavat Navairimi FIC-operatøritut sulineq qanoq unammillernartortaqartigisinnaanersoq qanorlu pissanganartigisinnaanersoq. Suliarisartakkagummi ullut tulleriit assigiinngisaannangajammata.
Suliffeqarfiup Naviair pulaarnerani aammattaaq alakkarsinnaajumaarpat qanoq FIC isikkoqarnersoq, taassumallu saniatigut annaassiniarnermi ingerlatsinermik suliaqartartut(Rescue Coordination Center) takuneqarsinnaajumaarlutik.
Pulaarnerit naammasseriarpat timmisartuussinerup iluani Naviairip timmisartuussinermik kiffartuussinera ilisimasaqarfiginerulerumaarpat.
Paasissutissat
Uani nassaarisinnaavatsigut: Aalisartut Aqqutaat 47, Arktisk Kommando najugaqatigaarput.
Ammassaagut: 1400-1800
Unnuk kulturisiorfimmi Naviair pulaarukku, iluatsiinnarlugu Arktisk Kommando aamma DMI pulaarsinnaavatit.